Հուլիսի 10-ին Եվրոպական միության գրասենյակում տեղի ունեցավ «Եվրաﬕությունը հանուն Հայաստանի կայուն էներգիայի» ծրագրի ղեկավար կոմիտեի անդրանիկ նիստ:

Նիստին մասնակցում են ԵՄ պատվիրակության, ՀՀ պետական գերատեսչությունների, համայնքապետարանների ներկայացուցիչներ, Հայաստանի համայնքների միության գործադիր տնօրեն Նատալյա Լափաուրին:

Օրակարգային հարցերից է ղեկավար կոմիտեի նախագահի ընտրության, COMO ֆոնդի հայեցակարգի, Ապարանի արևային համայնքի տեղանքի հաստատումն ու այլ հարցեր:

«Եվրաﬕությունը հանուն Հայաստանի կայուն էներգիայի» ծրագրի նպատակն է Արթիկ և Ապարան համայնքներում ներդնել համայնքային վերականգնվող էներգիայի արտադրության և կայուն էներգիայի տրանսֆորմացիայի համար կենսունակ մոդել: Այս նախագծերի իրականացումը ենթադրում է համայնքներում նոր մշակույթի, առևտրային նոր հարաբերությունների ձևավորում ու զարգացում:

Ծրագրի առանձնահատկությունն այն է, որ նախատեսվում է նաև ձևավորել Քաղաքապետների դաշնագրի նպատակներին ծառայող, «ԿՈՄՈ» հիմնադրամ (COMO ֆոնդ), որտեղ կկուտակվեն ծրագրի արդյունքում ստացված խնայողություններն ու հետագա եկամուտները։

Ծրագիրը մեկնարկել է 2018-ին և կտևի երեք տարի: Այն իրականացվում է Էներգախնայողության հիմնադրամի, Հայաստանի համայքների միության, Արթիկի և Ապարանի քաղաապետարանների հետ համատեղ: