Մարտ 18, 2022 թ.

Ցանկ

 

Հայաստանի համայնքների միության կանոնադրական մարմինների 2022-2026թթ ժամկետի համար Միության կանոնադրությամբ և կանոնակարգերով սահմանված ժամկետներում առաջադրված թեկնածուների

1. Միության նախագահի թեկնածուի տվյալները

Էմին Երիցյան, Հայաստանի համայնքների միության նախագահ

2. Միության Վարչության անդամների թեկնածուների ցանկը

Միության վարչությունը

12.1          Վարչությունը ձևավորվում և կազմը հաստատվում է հինգ տարի ժամկետով` հետևյալ ընթացակարգով.

12.1.1       Երևանի քաղաքապետը, Գյումրիի քաղաքապետը, Վանաձորի քաղաքապետը՝ ի պաշտոնե, հանդիսանում են Վարչության անդամ.

12.1.2       Ընդհանուր Ժողովի անդամները՝ փակ, գաղտնի քվեարկությամբ, ընտրում են Վարչության կազմը՝ յուրաքանչյուր մարզից երկու համայնքի ղեկավար.

12.1.3       Ընդհանուր Ժողովի անդամները՝ փակ, գաղտնի քվեարկությամբ, իրենց կազմից ընտրում են երկու կին համայնքի ղեկավարներ (հնարավորության դեպքում)` Վարչության կազմում ընդգրկելու նպատակով.

12.1.4       Ընդհանուր Ժողովի անդամները՝ փակ, գաղտնի քվեարկությամբ, իրենց կազմից ընտրում են՝ մեծամասնական ընտրակարգով ընտրված համայնքի ղեկավարներից մեկ համայնքի ղեկավար՝ Վարչության կազմում ընդգրկելու նպատակով.

12.1.5       Նախագահն` ի պաշտոնե, հանդիսանում է Վարչության անդամ և Վարչության նախագահողը։

 

 

 3. Միության Վերստուգող մարմնի թեկնածուների ցանկը

 

Միության Վերստուգող մարմինը բաղկացած է երեք անդամներից, ընտրված Ընդհանուր ժողովի կողմից, հինգ տարի ժամկետով: Վերստուգող մարմնի նախագահը ընտրվում է Վերստուգող մարմնի կազմից՝ Վերստուգող մարմնի առաջին նիստում՝ փակ, գաղտնի քվեարկությամբ: Վերստուգող մարմնի նախագահ և անդամ չեն կարող դառնալ՝ Միության կառավարման մյուս մարմիններում ներգրավված անդամները: Վերստուգող մարմնի նախագահի և անդամի թեկնածուները առաջադրվելիս՝ ունեն նախապատվության իրավունք, եթե ունեն ֆինանսական-հաշվապահական կրթություն, աուդիտորի կամ այդ ոլորտի աշխատանքային փորձ։

հ/հ	Մարզ	Համայնք	Թեկնածու
1	Գեղարքունիք	Մարտունի	Հովհաննես Հովեյան
2	Կոտայք	Գառնի	Տիգրան Պողոսյան
3	Կոտայք	Բյուրեղավան	Հակոբ Բալասյան