Այսօր՝ մայիսի 30-ին, Ռումինիայի Կովասնա շրջանի կոնֆերանս կենտրոնում մեկնարկեց Եվրոպայի խորհրդի Կոնգրեսի Կառավարման հանձնաժողովի նիստը, որին մասնակցում է Կոնգրեսում Հայաստանի պատվիրակության և վերոնշյալ հանձնաժողովի անդամ տկն. Նատալյա Լափաուրին: Նիստի օրակարգում ներառված են մի շարք զեկույցներ, որոնք ներկայացվելու են նոյեմբերի նստաշրջանի հաստատմանը:

Օրակարգում ներառված է եվրոպական վարքագծի կանոնագիրքը՝ նախատեսված տեղական և ռեգիոնալ կառավարման մեջ ներգրավված բոլոր անձանց համար, ինչպես նաև երկու զեկույցներ, մեկը՝ թափանցիկության ու բաց կառավարման, իսկ մյուսը՝ տեղական և ռեգիոնալ մակարդակներում շահերի բախման վերաբերյալ:

Հանձնաժողովի անդամները կքննարկեն նաև տեղական իշխանություններին կառավարման ավելի բարձր մակարդակների կողմից խորհրդատվության տրամադրման ուղենիշների հարցը, ինչպես նաև զեկույց՝ Եվրոպայում տեղական և ռեգիոնալ շատ իշխանությունների հանդիպող ֆինանսական դժվարությունների վերաբերյալ:

Նիստին մայիսի 31-ին կհաջորդի տեղական և ռեգիոնալ իշխանությունների կողմից լեզուների օգտագործման թեմայով կոնֆերանս:

Աղբյուրը՝ https://www.coe.int/en/web/congress/-/congress-governance-committee-meets-in-covasna-region