400 մասնակիցներ, արդյունաբերության կարևոր դերակատարներ և բարձրաստիճան քաղաքական գործիչներ քննարկեցին արդյունաբերության ապագան փետրվարի 28-ին Բրյուսելում կայացած «Եվրոպական արդյունաբերության օր 2017»-ի ընթացքում:

Նախագահ Մարկկուլան, նկարագրելով ռեգիոնները և քաղաքները՝ որպես Եվրոպայի տնտեսության «էլեկտրակայան», համաձայնեց, որ ԵՄ-ը պետք է ավելի շատ օգնի տեղական և ռեգիոնալ ներդրումներին: «Քաղաքները և ռեգիոնները պատասխանատու են տնտեսական ռազմավարությունների պլանավորման և իրականացման համար՝ Եվրոպայում տնտեսական կայուն աճ ստեղծելու նպատակով: Ավելի ռազմավարական ներդրումների և եվրոպական գործընկերությունների միջոցով նրանք արդյունաբերական նորարարության խթանիչներն են»:

Եվրոպայի շատ ռեգիոններ և քաղաքներ ցույց են տվել, թե ինչի կարելի է հասնել միասին աշխատելով: CoR-ը հրատարակել է ռեգիոնալ նորարարական էկոհամակարգերում լավագույն փորձերի վերաբերյալ ուղեցույց, որը հիմնված է տնտեսության խթանման, կայուն աշխատատեղերի ստեղծման, ձեռնարկատիրության և ՓՄՁ-ների խթանման ոլորտներում այդ առաջամարտիկ ռեգիոնների և քաղաքների դասերի վրա:

CoR-ը մայիսի 2-ին կկազմակերպի նաև շահառուների աշխատաժողով՝ Եվրոպայում արդյունաբերության ապագայի վերաբերյալ՝ կենտրոնանալով տեղական և ռեգիոնալ իշխանությունների համար մարտահրավերների և գործիքների վրա: 

Աղբյուրը՝ http://cor.europa.eu/en/news/Pages/EUindustryday2017.aspx