«Հայացք ապագային. ապակենտրոնացման նոր օրակարգ» համաժողովը կազմակերպվում է ՀՀ տարածքային կառավարման և զարգացման նախարարության, Հայաստանի համայնքների միության և Եվրոպայի խորհրդի Տեղական և տարածքային իշխանությունների կոնգրեսի համատեղ ջանքերով: Համաժողովը կազմակերպվում է Շվեյցարիայի կառավարության ֆինանսավորմամբ Եվրոպայի խորհրդի երևանյան գրասենյակի կողմից իրականացվող «Ինստիտուցիոնալ աջակցություն Հայաստանի համայնքների միությանը» ծրագրի շրջանակներում: Ծրագիրը նպատակ ունի հզորացնելու Միության կազմակերպական կարողությունները՝ Հայաստանի կառավարման համակարգում ավելի ակտիվ մասնակցություն ունենալու համար: