Հայաստանի համայնքների միության գրասենյակում տեղի ունեցավ Հայաստանի համայնքների միության նախագահ Էմին Երիցյանի և Հայաստանում Ֆրանսիայի դեսպանության  մշակույթի ու համագործակցության հարցերով խորհրդական Գիյոմ Նարժոլեի հանդիպումը:

Բարձր գնահատելով Հայաստանի և Ֆրանսիայի միջև տարբեր ոլորտներում համագործակցության մակարդակը՝ զրուցակիցներն անհրաժեշտ են համարել զարգացնել, էապես բարձրացնել այդ հարաբերությունների արդյունավետությունը՝ հատկապես հաշվի առնելով այն նոր պայմանները, որոնք ձևավորվել են COVID-19 համավարակի ժամանակահատվածում և հետպատերազմական փուլում:

Հանդիպման ընթացքում կարևորվել է նաև համագործակցությունը երկու երկրների համայնքների և ռեգիոնների միջև՝ հաշվի առնելով նաև ֆրանսիական գործընկեր համայնքների ունեցած փորձը, տեխնիկական աջակցության անհրաժեշտությունը:

Զրուցակիցները նաև մեծապես կարևորել են և՛ ֆրանսիական, և՛ հայկական այն կազմակերպությունների դերը, որոնք միավորում են համայնքներն ու ռեգիոնները:

Զրուցակիցները նաև կարևորել են պարբերաբար քննարկումների անցկացումը, որոնց արդյունքում կծնվեն նոր մոտեցումներ, որոնք էլ ավելի կամրապնդեն բարեկամ երկու երկրների միջև համագործակցությունը:

Հայաստանի համայնքների միություն