Ապրիլի 30-ին Հայաստանի համայնքների միությունում մեկնարկեցին համայնքներիի նորընտիր ղեկավարների վերապատրաստումները: Պարբերաբար միությունում հանդիպումներ կունենան տարբեր համայնքների նորընտիր ղեկավարներ, որոնք միմյանց հետ կծանոթանան, սեփական փորձը կփոխանակեն գործընկերների հետ:

Առաջին հանդիպումը տեղի ունեցավ Կոտայքի մարզի համայնքների նորընտիր ղեկավարների հետ: Միության նախագահ Էմին Երիցյանի և գործադիր տնօրեն Նատալյա Լափաուրիի հետ համայնքի ղեկավարները քննարկեցին տեղական ինքնակառավարման օրենսդրությանը, Սահմանադրությանը, լիազորություններին, ֆինանսկան խնդիրներին, համայնքի բյուջեին, եկամուտներին, գնումների համակարգին, քաղաքաշինության ոլորտին վերաբերող հարցեր: Մանրամասն ներկայացվեցին համայնքի ղեկավարի և ավագանու լիազորություններն ըստ օրենսդրության: Համայնքների ղեկավարներին նաև հետաքրքրեցին դրամաշնորհային ծրագրերի դիմելու հետ կապված հարցեր:

Նշենք, որ Հայաստանի համայնքների միությունը ՏԻՄ յուրաքանչյուր ընտրությունից հետո կազմակերպում է  նոր ընտրված համայնքի ղեկավարների և ավագանու անդամների՝ ոլորտի հետ կապված վերապատրաստումներ: Նպատակն է նոր ընտրված համայնքի ղեկավարներին և ավագանու անդամներին ներկայացնել և աջակցել նոր ոլորտում իրենց գիտելիքների թարմացմանը, ձեռքբերմանը և աշխատանքների կազմակերպմանը: