Մայիսի 3-ին Էջմիածնի քաղաքապետարանում անցկացվեց Հայաստանի համայնքների միության վարչության նիստը:

Մինչ օրակարգային հարցերի քննարկումը Էջմիածնի քաղաքապետ, Միության վարչության անդամ Դիանա Գասպարյանը ներկայացրեց քաղաքային իշխանությունների գործունեությունը, քաղաքում իրականացվող ծրագրերը։

Քննարկվեցին «Տարածքային կառավարման մասին», «Նախադպրոցական կրթության մասին», «Տեղական ինքնակառավարման մասին» ՀՀ օրենքում փոփոխությունների նախագծերը:

Օրակարգային էին նաև համայնքների՝ լսված լինելու օրենսդրական մեխանիզմների մշակման և ներդրման մասին հարցեր, ներկայացվեց Միության կողմից նախապատրաստովող «Տեղական ժողովրդավարության տարեկան զեկույցի» առաջին նախագիծը:

Վարչության անդամներին տեղեկացվեց ԵԽ Կոնգրեսի մոնիտորինգային այցի, Կոնգրեսի 2014թ. հանձնարարականների և Հայաստան-ԵԽ ճանապարհային քարտեզի վերաբերյալ:

Վարչության նիստին քննարկվեցին նաև կազմակերպական հարցեր: Օրինակ՝ հուսիս ամսին Միության հանրապետական խորհրդի հերթական նիստ անցկացնելու, Հայ-ֆրանսիական ապակետրոնացված համագործակցության 4-րդ համաժողովի կազմակերպման, Միության ֆինանսական կայունության ռազմավարության մասին հարցեր: