Նոյեմբերի 12-ին Հայաստանի համայանքների միությունում հյուրընկալվեց Ֆրանսիայի Կլամար քաղաքի տարածքային զարգացման առաքելության պատասխանատու Ան Պեղյեն: Նրան ուղեկցում էր Հայաստանում Ֆրանսիայի դեսպանատան Համագործակցության և մշակութային գործունեության ծառայության համագործակցության կցորդ Շառլոտ Վենեման:

Հայաստանի համայնքների միության նախագահ Էմին Երիցյանի հետ ֆրանսիացի գործընկերները քննարկեցին համագործակցության ծրագրեր: Շեշտադրում կատարվեց էկոլոգիայի և տուրիզմի ոլորտների զարգացման վրա, նախանշվեցին որոշակի ծրագրեր, քննարկվեցին ծրագրային գաղափարներ, որոնց շրջանակում հնարավոր է համագործակցություն: Էմին Երիցյանը պատրաստակամություն հայտնեց աջակցել տարբեր ծրագրեր իրականացմանը:

Հանդիպման ընթացքում նաև քննարկվեցին Արտաշատ և Կլամար քաղաքների միջև համագործակցությանն առնչվող հարցեր:

Քննարկվեցին նաև 2020 թվականի աշնանը Լիոն քաղաքում կայանալիք հայ-ֆրանսիական ապակենտրոնացված համագործակցության 4-րդ համաժողովի հետ կապված կազմակերպչական հարցեր: