Փորձագետները վեբինարի ընթացքում պարզաբանել են խոշորացման համատեքստում աշխատակազմերի ներկայացուցիչների և համայնքային ծառայողներին հուզող բազմաթիվ հարցերի

Համայնքների ներկայացուցիչներին պարզաբանվեցին կլիմայի փոփոխության ռիսկի և խոցելիության գնահատման վերաբերյալ հարցաշարի պատրաստման նրբությունները

16.11.2018

«Քաղաքապետերի դաշնագիր`Արևելք» նախաձեռնության շրջանակներում նոյեմբերի 16-ին Հայաստանի համայնքների միությունում Տաշիր, Գավառ, Ալավերդի համայնքների ներկայացուցիչներին պարզաբանվեցին կլիմայի փոփոխության ռիսկի և խոցելիության գնահատման վերաբերյալ հարցաշարի պատրաստման նրբությունները:

Հարցաշարի նպատակն է աջակցել Քաղաքապետերի դաշնագիր՝ հանուն կլիմայի և էներգիայի ստորագրող համայնքներին՝ իրենց տարածքներում կլիմայի փոփոխության ռիսկերի և խոցելիության գնահատման հարցում, որը հիմք կստեղծի տեղական իշխանությունների կողմից հարմարվողականության միջոցառումների հետագա մշակման և իրականացման համար:

Համայնքների կայքերում կտեղադրվեն և կլրացվեն համապատասխան ձևաթղթեր: Նշենք, որ առաջին փուլում նմանատիպ քննարկումներ են եղել շուրջ 10 համայնքների հետ:

Քաղաքապետերի դաշնագիրը (CoM) Եվրոպական հանձնաժողովի կողմից մեկնարկած ԵՄ առաջին և ամենահավակնոտ նախաձեռնությունն է, որն ուղղակիորեն թիրախավորում է տեղական իշխանություններին և դրանց քաղաքացիներին՝ համաշխարհային կլիմայական փոփոխության դեմ պայքարի ղեկավարումը ստանձնելու հարցում: