Տեղական իշխանությունների՝ հանրային ընկալման ցածր նշաձողը մարտահրավեր է ոչ միայն համայնքների, այլև պետության և հասարակության համար. Էմին Երիցյան

Ինկուբատորների բացման հանդիսավոր արարողություն Գյումրիում «Կառուցողական երկխոսության հանձնառություն» ծրագրի շրջանակներում

11.04.2018

Կառուցողական երկխոսության հանձնառություն ծրագրի շրջանակներում 2018թ-ի ապրիլի 11-ին Գյումրի քաղաքում տեղի ունեցավ Ինկուբատորների բացման հանդիսավոր արարողությունը։

Հայաստանի համայնքների միության նախագահ պրն Էմին ԵՐԻՑՅԱՆԸ մասնակիցներին ներկայացրեց ինկուբատորների գործունեությունը և այն ակնկալիքները, որը ծրագիրը կապել է մասնակից ՔՀԿ ներկայացուցիչների հետ։

Միջոցառման ընթացքում ծրագրային փորձագետ Վահրամ ՎԱՐԴԱՆՅԱՆԸ ներկայացրեց նաև ԵՄ ԱլԳ 2020թ-ի 20 թիրախները և դրանցից բխող՝ «Կառուցողական երկխոսության հանձնառություն» ծրագրի 9 ոլորտները, դրանցից ածանցվող խնդիրները, որոնք վեր էին հանվել ծրագրի առաջին տարվա աշխատանքների ընթացքում պետական և տեղական իշխանությունների, ՔՀԿ-ների և այլ դերակատարների հետ անցկացրած ֆոկուս խմբային քննարկումների արդյունքում։

«Կառուցողական երկխոսության հանձնառություն» ծրագիրն իրականացվում է Եվրոպական միության ֆինանսական աջակցությամբ «Իրավաբանների հայկական ասոցիացիա» ՀԿ-ի կողմից՝ գործընկերներ «Ագորա Սենթրլ Յուրըփ» ՀԿ–ն (Չեխիա), Ժողովրդավարական կրթության հայկական կենտրոնի (ՍԻՎԻՏԱՍ), Մարդկային զարգացման միջազգային կենտրոնի, ՓՄՁ համագործակցության ասոցիացիայի և Հայաստանի համայնքների միության հետ համագործակցությամբ: