Օգոստոսի 8-ին Հայաստանի համայնքների  միության նախագահ Էմին Երիցյանը հյուրընկալեց «Համայնքի ղեկավարներ հանուն ընտեսական զարգացման» նախագծի պատասխանատու Պետեր Կորպսին, Հայստանում ծրագրի համակարգող Սևակ Հովհաննիսյանին : «Համայնքի ղեկավարներ հանուն տնտեսական զարգացման» ծրագրի նպատակն է աջակցել տեղական ինքնակառավարման մարմիններին դառնալու տնտեսական աճի և աշխատատեղերի ստեղծման ակտիվ համակարգողներ կարողությունների զարգացման և հմտությունների հզորացման միջոցով, ինչպես նաև տեղական բիզնեսների և քաղաքացիական հասարակության հետ համագործակցությամբ :

Հանդիպման ընթացքում քննարկվեց Միության դերը և աջակցության հնարավորությունները նախագծին և հայտամրցույթով ընտրված համայնքներին : Պետեր Կորպսը հատկապես կարևորեց Համայնքների Միության դերը որպես ծրագրի կարևոր գործընկեր : Առաջիկա փուլում նախատեսվում է իրականացնել ընտրված համայնքների կարիքների գնահատում և սահմանել աշխատանքների ժամանակացույցը :

Հիշեցնենք, որ «Համայնքի ղեկավարներ հանուն տնտեսական զարգացման» (M4EG) Եվրոպական Միության նախաձեռնությունն է, որով աջակցություն կցուցաբերվի Արևելյան գործընկերության երկրների, մասնավորապես Հայաստանի, Վրաստանի, Մոլդովայի և Ուկրաինայի տեղական իշխանություններին դառնալու տնտեսական աճի և աշխատատեղերի ստեղծման ակտիվ աջակից՝ ամրապնդելով իրենց տեխնիկական հմտություններն ու կարողությունները :

Ծրագիրը նպատակ ունի մշակել համայնքային տնտեսական զարգացման ռազմավարություններ, որոնք համապատասխանում են արդյունավետ վարչարարության և գրագետ ֆինանսական կառավարման սկզբունքներին: