Հայաստանի համայնքների միությունը վերանայում է իր Կանոնադրությունը
04.11.2016
«Հայաստանի համայնքների միությունը նախաձեռնել է իր կանոնադրության վերանայման գործընթացը՝ բարելավելու իր գործունեության արդյունավետությունը և ամրապնդելու իր դիրքը՝ որպես Հայաստանի բոլոր համայնքների միասնական ձայն: Այս նպատակով մենք ուսումնասիրում ենք նաև եվրոպական տեղական իշխանությունների ասոցիացիաների փորձը»,- նշեց ԵԽ կոնգրեսում Հայաստանի պատվիրակության ղեկավար, Հայաստանի համայնքների միության նախագահ Էմին Երիցյանը Հանքավանում ս.թ. հոկտեմբերի 14-15-ին տեղի ունեցած աշխատանքային հանդիպման ժամանակ:
ՀՀՄ-ի անդամները վճռական են տրամադրված Միության գործունեության արդյունավետության բարելավման հարցում: Միջազգային փորձագետ, բրիտանական Ադվոքասի ինթերնեշնլ կազմակերպության տնօրեն Ջերեմի Սմիթի հետ Միության կառավարման մարմինների կառուցվածքն ու գործառույթները քննարկելուց հետո կմշակվի վերանայված կանոնադրության առաջին նախագիծը, որն էլ կտարածվի Միության անդամների շրջանում: Ակնկալվում է, որ վերանայված Կանոնադրությունը կհաստատվի 2016թ-ի վերջին նախատեսվող Միության անդամների Ընդհանուր ժողովի կողմից, ինչպես նախատեսված է 2016թ-ի հուլիսին ընդունված Միության 2016-2020թթ. ռազմավարական ծրագրով:
Աշխատանքային խմբի հանդիպումը կազմակերպվել էր «Ինստիտուցիոնալ աջակցություն Հայաստանի համայնքների միությանը» ծրագրի շրջանակներում, որը իրականացվում է Տեղական և տարածքային իշխանությունների կոնգրեսի և ֆինանսավորվում է Շվեյցարիայի կառավարության և Եվրոպայի խորհրդի կողմից:
Հայաստանը միացել է Եվրոպայի խորհրդին 2001թ-ին, Տեղական ինքնակառավարման մասին եվրոպական խարտիան վավերացրել է 2002թ-ին, որն ուժի մեջ է մտել 2002թ-ի մայիսի 1-ին, ինչպես նաև դրա Տեղական իշխանությանը մասնակցելու իրավունքի մասին լրացուցիչ արձանագրությունը 2013թ-ին: Այն երկրները, որոնք վավերացրել են Խարտիան, պարտավոր են կատարել նրա դրույթները: Կանոնադրությունը սահմանում է համապատասխանություն նվազագույն թվով իրավունքների հետ, որոնք եվրոպական տեղական ինքնակառավարման հիմքն են: Եվրոպայի խորհրդի տեղական և տարածքային իշխանությունների կոնգրեսը երաշխավորում է հարգանքը այս սկզբունքների նկատմամբ:
12:37
07 12 2023
Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...
10:04
01 11 2023
Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...
13:26
30 10 2023
Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...
19:09
26 10 2023
Եվրոպայի խորհրդի տեղական և տարածքային իշխանությունների կոնգրեսի (ԵԽ կոնգրես) 45-րդ նստաշրջանի...
16:11
24 10 2023
Ստրասբուրգում մեկնարկել է Եվրոպայի խորհրդի տեղական և տարածքային իշխանությունների կոնգրեսի (ԵԽ...
23:47
22 10 2023
Ստրասբուրգում հոկտեմբերի 24-26-ին կանցկացվի Եվրոպայի խորհրդի տեղական և տարածքային...
22
Նմբ
26
Հոկ
25
Հոկ