Հայաստանի Համայնքների Միության և Ֆրանսիայի գյուղական համայնքապետերի ասոցիացիայի (AMRF) միջև  գործընկերության  շրջանակում  Օվերն Ռոն-Ալպեր շրջանի աջակցությամբ մարտի 17-20 հայկական պատվիրակությունը հյուրընկալվեց Լիոնում:

Հայկական պատվիրակությունը կազմում են Արմավիրի Փարաքար համայնքի ղեկավար Սամվել Վարդանյանը, Շիրակի Նոր Կյանք համայնքի ղեկավար Արա Սուքիասյանը, Վայոց Ձորի Ռինդ համայնքի ղեկավար Հուսիկ Սահակյանը, Ելփին համայնքի ղեկավար Խորեն Ավետիսյանը, Կարմիր Աղեկ համայնքի ղեկավար Վաչագան Հովհաննիսյանը և ՀՀՄ գործադիր տնօրեն Նատալյա Լափաուրին:

Այս այցելությունը հիմնված է բազմաթիվ թեմաների վրա՝ զբոսաշրջության զարգացում, ժառանգության արժևորման և վերականգման ﬕջոցով, տեղական զարգացում, տարածքային ժողովրդավարություն և գյուղատնտեսություն: Այցի շրջանակում երկկողմ  աշխատանքային ժողով կայացավ հայկական պատվիրակության անդամների հետ, որի ընթացքում քննարկվեցին գործընկերության ընդլայնման և հետագա համատեղ գործողությունների հնարավորությունները:

Պատվիրակության անդմաները հնարավորություն ունեցան նաև մասնակցել Ֆրանսիայի գյուղական համայնքապետերի ասոցիացիայի (AMRF) կողմից նախաձեռնված քննարկմանը «Տեղական ինքնակառավարման մարﬕնները Ֆրանսիայում և Եվրոպայում» թեմայի շուրջ, ինչպես նաև մարտի 19-ին կայացած  AMRF-ի գլխավոր ժողովին:

Հայկական պատվիրակությունը պատիվ ունեցավ հյուրընկալվել Լիոնի քաղաքապետարանի կողﬕց կազմակերպվող ընդունելությանը, որին ներկա էին Լիոն Մետրոպոլի նախագահ, Սենատոր-Քաղաքապետ Ժերար Կոլոնը, Լիոնի հայկական ասոցիացիենր, ինչպես նաև հայկական ծագումով ֆրանսիացի համայնքապետեր:

Լուսանկարները՝ Դանիել Բրոշիեի, մեզ են տրամադրվել AMRF-ի կողմից: