Եվրոպայի խորհրդի Կոնգրեսն ընդունում է զեկույց՝ Թուրքիայում համայնքապետերի կարգավիճակի վերաբերյալ
30.03.2017
2017թ. մարտի 29-ին Եվրոպայի խորհրդի Տեղական և ռեգիոնալ իշխանությունների կոնգրեսն ընդունեց առաջարկություն և բանաձև՝ Թուրքիայում համայնքապետերի և խորհրդի անդամների կարգավիճակի և, մասնավորապես, ընտրված համայնքապետերի կալանավորման և կենտրոնական իշխանությունների կողմից նրանց փոխարինողների նշանակման վերաբերյալ:
Համազեկուցողներ ԱՆդերս Նեյփը և Լեեն Վերբիքը ներկայացրեցին զեկույց, որը պատրաստվել էր երկրում 2016թ-ին իրականացված երկու փաստահավաք առաքելություններից հետո: Ընդունված տեքստերում Կոնգրեսը դիմում է ԵԽ Նախարարների կոմիտեին՝ առաջարկել Թուրքիայի իշխանություններին չեղյալ համարել կենտրոնական իշխանությունների կողմից նշանակված համայնքապետերի իրավական միջոցները և վերականգնել համայնքապետի ընտրության մունիցիպալ խորհուրդների իրավունքը: Զեկույցում նշվում է նաև, որ տեղական ընտրված ներկայացուցիչների ձերբակալությունը պետք է պատշաճ հիմնավորված լինի ներպետական օրենքով և համապատասխանի Եվրոպայի խորհրդի չափանիշներին, մասնավորապես՝ Մարդու իրավունքների եվրոպական կոնվենցիային: Կոնգրեսը կոչ է անում նաև վերանայել Թուրքիայի օրենսդրությունը՝ դրանում ահաբեկչության սահմանումը համապատասխանեցնելու համար եվրոպական չափանիշներին, մասնավորապես՝ Մարդու իրավունքների եվրոպական դատարանի նախադեպային իրավունքին: Բացի այդ, Կոնգրեսը կոչ է անում վերանայել 2016թ. նոյեմբերի 11-ի նախարարական հրահանգները՝ նպատակ ունենալով ապաքրեականացնել համաքաղաքապետների նշանակումը: Սրա հետ կապված՝ համաձայնություն ձեռք բերվեց Բյուրոյի նիստերում ուսումնասիրել Կոնգրեսում Թուրքիայի պատվիրակության անդամ Նուրհայաթ Ալթունի կարգավիճակը մինչև իրավական ընթացակարգերը: Թունջելիի «համաքաղաքապետ» տիկին Ալթունը ձերբակալվել է 2016թ. նոյեմբերի 17-ին և այժմ պահվում է Կոջաելիի տեսակի բանտում:
Աղբյուրը՝ http://www.coe.int/t/congress/default_FR.asp?
12:37
07 12 2023
Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...
10:04
01 11 2023
Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...
13:26
30 10 2023
Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...
19:09
26 10 2023
Եվրոպայի խորհրդի տեղական և տարածքային իշխանությունների կոնգրեսի (ԵԽ կոնգրես) 45-րդ նստաշրջանի...
16:11
24 10 2023
Ստրասբուրգում մեկնարկել է Եվրոպայի խորհրդի տեղական և տարածքային իշխանությունների կոնգրեսի (ԵԽ...
23:47
22 10 2023
Ստրասբուրգում հոկտեմբերի 24-26-ին կանցկացվի Եվրոպայի խորհրդի տեղական և տարածքային...
22
Նմբ
26
Հոկ
25
Հոկ