«Կառուցողական երկխոսության հանձնառություն» ծրագրի շրջանակներում ՀՀՄ-ն կազմակերպել է ֆոկուս-խմբի քննարկում ՔՀԿ ներկայացուցիչների մասնակցությամբ

«Կառուցողական երկխոսության հանձնառություն» ծրագրի շրջանակներում ՀՀՄ-ն կազմակերպել է ֆոկուս-խմբի քննարկում ՔՀԿ ներկայացուցիչների մասնակցությամբ

14.04.2017

2016 թվականի դեկտեմբերի 15-ից Հայաստանի համայնքների միությունը՝ իր գործընկերների հետ համատեղ, Եվրոպական Միության ֆինանսական օժանդակությամբ, իրականացնում է «Կառուցողական երկխոսության հանձնառություն» ծրագիրը, որի նպատակն է ՔՀԿ-ների կարողությունների զարգացումը, թվով 9 ոլորտներում հանրային քաղաքականությունների մշակումը, ՔՀԿ-ներ-Կառավարության և ՔՀԿ-ներ-ՏԻՄ-եր երկխոսության ստեղծումը, ինչպես նաև ՔՀԿ-ների կոալիցիաների կառուցումն ու զարգացումը:

Ծրագրի շրջանակներում 2017 թվականի ապրիլի 14-ին Հայաստանի համայնքների միությունը անցկացրեց ֆոկուսային խմբի ձևաչափով հանդիպում Շրջակա միջավայրի պահպանության/կոշտ թափոնների կառավարման, Էներգետիկա/ Էներգաարդյունավետության, Տեղական ինքնակառավարման և հանրային/քաղաքային տրանսպորտի ոլորտներում գործունեություն ծավալող Քաղաքացիական Հասարակության Կազմակերպությունների մասնակցությամբ: 

Ֆոկուսային խմբով հանդիպման հիմնական նպատակն էր հատկորոշել վերը նշված ոլորտներում գործունեություն ծավալող ՔՀԿ-ների կազմակերպչական կարողությունների հետ կապված խնդիրները, ինչպես նաև վեր հանել մասնակից ՔՀԿ-ների համար իրենց ոլորտներում ամենահրատապ համարվող հիմնախնդիրները։

Նշենք նաև, որ նախքան քննարկումները, ներկայացվեց նաև «Կառուցողական երկխոսության հանձնառություն» ծրագիրը:

«Կառուցողական երկխոսության հանձնառություն» ծրագրի մասին

Հայաստանի համայնքների միությունը իրականացնում է «Կառուցողական երկխոսության հանձնառություն» ծրագիրն իր գործընկերների՝ «Իրավաբանների հայկական ասոցիացիայի» ՀԿ-ի, «Մարդկային զարգացման միջազգային կենտրոն» ՀԿ-ի, «Ժողովրդավարական կրթության հայկական կենտրոն-ՍԻՎԻՏԱՍ» ՀԿ-ի, «Փոքր և միջին ձեռնարկատիրության համագործակցության ասոցիացիա» ՀԿ-ի, ինչպես նաև «Ագորա Սենթրալ Յուրըփ» չեխական ՀԿ-ի հետ համատեղ:

Ծրագիրը մեկնարկել է 2016 թվականի դեկտեմբերի 15-ին՝ 34 ամիս տևողությամբ, և ֆինանսավորվում է Եվրոպական միության կողմից։ Ծրագիրն ուղղված է ՔՀԿ-ների՝ 9 թիրախային ոլորտներում հանրային քաղաքականությունների մշակման գործընթացի վրա ազդեցության ուժեղացմանը, ինչպես նաև ՔՀԿ-ների ցանցերի և կոալիցիաների կարողությունների զարգացմանը, նրանց  կողմից թիրախային ոլորտներում կարևորագույն խնդիրների հատկորոշմանը և հանրային քաղաքականությունների մշակմանը (այդ թվում կոալիցիաների համար նախատեսված դրամաշնորհների միջոցով):

Ծրագրում նախատեսված է նաև 870,000 եվրոին համարժեք ՀՀ դրամի դրամաշնորհային կոմպոնենտ, որը պետք է տրամադրվի ծրագրի աշխատանքներում ներգրավված ՀԿ-ներին՝ թիրախավորված 9-ը ոլորտներում առաջ քաշված խնդիրների լուծման, ինչպես նաև ՀԿ-ների կոալիցիաների կայունության և ինստիտուցիոնալ կարողությունների զարգացման համար:

 


ՆՈՐՈՒԹՅՈՒՆՆԵՐ

Հանդիպում «Համայնքի ղեկավարներ հանուն տնտեսական զարգացման» ծրագրի շրջանակում
Հանդիպում «Համայնքի ղեկավարներ հանուն տնտեսական զարգացման» ծրագրի շրջանակում

17:20

08 08 2017

Օգոստոսի 8-ին Հայաստանի համայնքների  միության նախագահ Էմին Երիցյանը հյուրընկալեց...

Աշխատանքային սեմինար «Քաղաքապետերի դաշնագիր» ծրագրի շրջանակում
Աշխատանքային սեմինար «Քաղաքապետերի դաշնագիր» ծրագրի շրջանակում

13:47

24 05 2017

Մայիսի 22-23 տեղի ունեցավ «Համայնքային կառույցների ադապտացում և Արտանետումների ելակետային...

Հայամայնքների միության արձագանքը համայնքների խոշորացման նոր առաջարկին
Հայամայնքների միության արձագանքը համայնքների խոշորացման նոր առաջարկին

17:29

16 05 2017

Վարչատարածքային փոփոխությունները պետք է ուղեկցվեն լիազորությունների ու ֆինանսական միջոցների...

Հանդիպում Հունաստանի նախագահի հետ. Գուդրուն Մոսլեր-Թորնսթրոմը Հունաստանի հետ ավելի մեծ համերաշխության կոչ է անում
Հանդիպում Հունաստանի նախագահի հետ. Գուդրուն Մոսլեր-Թորնսթրոմը Հունաստանի հետ ավելի մեծ համերաշխության կոչ է անում

11:20

28 04 2017

2017թ. ապրիլի 26-ին Հունաստանի նախագահի հետ հանդիպման ժամանակ ԵԽ Կոնգրեսի նախագահ Գուդրուն...

Հանրային հաղորդակցության հմտությունների դասընթաց
Հանրային հաղորդակցության հմտությունների դասընթաց

10:34

20 04 2017

Հայաստանի Համայնքների Միությունը ս․թ․ ապրիլի 13-14 ԻԲԻՍ հյուրանոցում ՀՀՄ տեղական կառույցների...